睇住人地放假

2007年4月30日 (星期一) 濕熱

今日又返工嗱, 星期一係最多野做
無啦啦比人call 左去機場果邊睇展
無咩人行, 人流好少, 我諗呢個展覽真係好唔成功, 好在我地個booth 係免費姐

今日走果時坐免費巴士去左尖沙咀(因為無其他地方揀)
同媽媽去左明洞express食韓國菜
韓餐係我三大最愛菜式之一, 我食左個粉絲飯, >_< 好好食呀

人地個個聽日都講緊去邊玩
而我就睇住人地去玩, 聽朝一早仲要去博覽會坐成日
鬼咩....邊個叫我放勞工假`.....唉...
咁鬼遠.....都無人陪下我食飯架啦-_-
兄弟們...見得多原來真係會唔真惜架...

莊員聚舊的一晚

2007年4月27日 (星期五) 晴

今日係外出工作日,
先去車d 會員通訊去郵局大量投寄
再去亞洲博物館set 場, 預備聽日既國際汽車零部件展
今次set 場好快手, 40 分鐘就執野去搵會長徙簽支票出糧
我第一次坐機場快線, 好靚, 好靜, 忍唔住好似大鄉里咁,
坐窗口位不停影相
簽完支票都4點鐘, 所以早左放工

順路去左深水步攞返維修既mp3
好耐無行過批發檔, 一行以$5 買左2 件衫
係呀, 係$2.5 一件, 我都以為自己睇錯, 超抵
之後去左珠件街, 買左d 鈕同扣仔DIY d 耳環同裝飾
沿途撞到嘉寶同connie, 呢個世界真係細...

夜晚同5 位A plus 莊員食晚飯
估唔到我係第二個到既..我同joe主席等左差唔多1 個鐘先齊人
我地一行6人o係旺角女人街食左好多三文魚, 好好食,
又食左好多特式日本菜, 每人$112 埋單, 貴左d , 不過抵食
成個dinner, 可能無見一排, 感覺怪怪的, 好似好陌生
唔似以前o係hall 咁親切, 或者大家個世界唔同左掛..

又一日嗱~~

2007年4月26日 (星期四) 晴

今日o係公司都係好悠閒, 無咩野做
連全個會最麻煩既大余先生都無打過黎, 感動呀~
今日唯一最繁忙既時間
就係出去攞我地金屬協會有史以黎第一期既會員通訊
好緊張, 好驚出錯,
因為成份野都係我自己付責
由排版, design, 撰稿(大部份), 搵印刷公司格價, 運輸
甚至出錢都係自己搞掂, 當然我只係墊住出黎先啦
有得claim 既, 不過我用credit card 找公數, 淨賺佢d cash dollar..
希望本會員通訊獲得好評啦+3+

今日上左游水第二堂,
今日用$39 拜託教練訂左塊"A" 字型既浮板
不停用"自由腳"踢水, 仲要側頸呼吸,
因為我個頭於水唔夠低, 搞到好似半浮沉咁
結果比教練寸我游到好似"訓黎頸"咁, 哈哈

今堂識左個新朋友, 佢同我年紀差唔多, 都係岩岩出黎做野
佢主動同我講野, 因為佢睇哂全班同學
都好似係我同佢最後生,
由於佢個名好難讀, 所以個音我唔係好記得,
我o係呢度只好叫佢 J 同學
J 同學好斯文, 好瘦削,
係我夢寐以求既身材, 我要努力D 先得>.<"

開心既時間過得特別快
游水既時間過得更加快
臨走前教練話最後一堂要考試
我問佢: "真係游定係筆試?"
佢答我:"唔好玩我啦, 考筆試我唔識..."
真係游??????唔用水泡浮板邊得呀????
考試要記錄返每個同學游到幾多米
不如記錄下, 我浸死左之後, 浮返出去有幾多米好過啦....

忙裡偷閒心情靚~

2007年4月25日 (星期三) 涼

今日o係公司得我一個
因為師姐上左大陸
好自在, 加上無活動
好開心呀^3^

今日知道有個中學同學o係Apm返工
自從中七果年搬左出九龍之後
同佢都見少左好多
以後可以成日見到
好開心呀^3^

尋日游水, 撞到我個表姨生
我地o係泳池集合果時相認, 佢話: "欣表姨, 原來你都唔識游水架?''
佢讀小學, 同一個池學游水
真係醜死怪嗱...
不過有個人一齊同我游
好開心呀^3^

今日佢心情好左, 無寸我無發我脾氣
好開心呀^3^

有驚無險游泳班

2007年4月24日 (星期二) 超大雨+ 雷暴

今日好大雨, 最後o係雷暴警告之下成功開課
我地一班成人初班有15人, 由一個男教練教水 (唔靚仔, 但好型)
1個好似退左休既長者,
1 個大叔,
3個以為自己游水好叻既中年哥哥仔
2個大陸師奶,
3個年紀同身型大過我既女仔,
2 個上班OL, 1 個勇敢3 點式女人,
同埋年紀最細既我

今日好開心, 因為今日我終於學識手捉池邊
浮住係咁踼水, 今堂學到好多野
呼吸, 浮水, 踢水, ..不過一直淋雨咁游
又出水, 又入水, 好凍, 唔踢水真係凍到震...=_=

自從中學比人掉過落水之後就好驚水 (飲果D 同沖涼果D 唔計)
所以頭先一直捉住池邊游
個教練捉住我隻手拖我出池中間, 我驚到一手鍊住佢手臂
上左水之後佢話: "呢到係訓練池, 得1.3 米, 你想浸親都好難..." 樣衰...
下一堂會用浮板學游水, 訂購價$39一塊
YEAH~好開心..好好玩呀....個教練好好笑....
好期待下一堂呀~~~好快減到肥嗱

健康燕麥曲奇餅

食品分類: 小食
材料:
> 低筋麵粉 6 湯匙
> 低脂植物牛油 1 湯匙
> 蛋半隻
> 蜜糖 2 湯匙
> 砂糖 1 湯匙
> 即沖燕麥片 3 湯匙 (多一點口感更佳)
用具: 焗爐
製作時間: 1 小時
作法:


> 焗爐180'C預熱, 牛油於室溫解凍變軟, 蛋打勻
> 牛油+ 砂糖拌勻後, 加入蜜糖及麵粉拌勻
> 加入雞蛋及燕麥片搓揉成圓形壓扁
> 焗20- 30分鐘完成

成本價: $8 /約12塊 (視乎不同購買點及中小而定)
難易度: @@ (以5@為最難)
小技巧: 各材料比例可隨意調教, 因為牛油同糖分量少, 所以入口質感較硬, 食唔慣既可以加多d 牛油, 入口會香脆一d

再見肉~

2007年4月23日 (星期一) 雨

今日係星期一, 係一個禮拜既開始
亦都係我減低大計既開始
返左工, 開始積聚脂肪
雖然只係重左三兩磅
好明顯發覺自已手臂同小腿都粗左, patpat又大左
手臂d byebye肉 fing fing下,
即刻無哂著背心既信心
可能冬季長左, 好耐無見過d 肉, 一見返就接受唔到
我唔想比人話我肥, 唔想好似以前咁, 比人指住黎笑
特別係唔想比佢笑我肥...真係好hurt..

我o係工聯會報左學游水, 逢星期二, 四放工學
本人唔識游水, 而且好驚水, 更加唔識浮水
點解要學? 第一為左減肥, 第二為左求生
聽師姐講, 游水減肥好有效, 特別個胸減得特別快=.=..
都叫做有減過野既...
天氣咁凍, 聽日都唔知點游, 凍死都似..

今日好大雨, 好在著左拖鞋返工, 唔怕濕住腳
多謝媽媽送既新拖鞋, 舊果對上次入醫院果時轉病床漏左>.<
如果今年再出CHIP N DALE 拖鞋, 一定要買返先

今日雖然星期一, 正常o係會有好多電話
可能因為未有活動住, 所以都比較清閒一d, 都可以準時收工
做左呢份工, 發現自己英文退步左好多,
因為無野機會比我practise
睇黎要努力補返d 英文, 考下個IELTS
對日後考政府工或者轉工都有幫助..
好多野都想學
出黎做野先發現大學生都係不外如是,
好多野都唔識, 陳醫生講得岩
O係呢個年代, 唔進修同一個普遍中學生係無分別的...

心情by天氣

2007年4月22日 (星期日)

好難得星期日可以o係屋企唔使出街
天氣好差, 時好時壞
唔知係咪天氣唔好, 搞到我心情都好似天氣咁
唔知點解, 最近大家好似無咩野講
係我有問題, 定係根本就無話題可言
一個無言以對的感覺
真是難受, 感覺好陌生
呢個情況, 仲要維持幾耐??

紐紋酥條

食品分類: 小食

材料:

> 急凍酥皮(吉之島超市有售約$18-20)

> 蛋1隻

> 蜜糖少許

用具:

焗爐, 油掃

製作時間: 1 小時

作法:
> 焗爐180'C預熱, 酥皮放於室溫解凍變軟, 蛋打勻

> 把酥皮用麵粉棍碌成約5mm厚

> 酥皮切成約1cm 闊麵條, 再以扭毛巾方式將麵條扭成紐紋狀

> 把紐紋麵條10分鐘取出, 掃上蛋漿, 再焗5分鐘

> 焗好紐紋酥條, 掃上蜜糖完成

成本價: $25-30 /約40條 (視乎不同購買點及酥條中小而定)

難易度: @ (以5@為最難)

小技巧: 要不時留意焗爐, 因為酥皮及蛋漿很易焗燶@.@

自製吊飾送給友人摯愛

手工分類: 裝飾品
材料: 廁紙筒, 絨布, 棉花, 十字線
用具: 針線, 較剪, 白膠漿
製作時間: 熟手技工- 1 小時 / 初哥- 2 小時
主要針步:毛毯針步
難易度: @ (以5@為最難)
成本價: $10
小技巧:

1. 如果嫌廁紙筒太短, 可改用保鮮紙筒或抺手紙筒
2. 因為紙筒唔係平面白膠漿, 有時會唔夠力, 建議大家用UHU, 不過要小心,一開蓋好易擠出膠水,搞到一手都係
3. 將絨布黐上紙筒後, 可以萬字夾於兩邊固定位置, 貼實後可拔走

Remarks: 這是大學year 1 時送給roomate既作品, 因為佢好鍾意粉紅色, 一房都係粉紅色, 哈哈..

一架可揸而不可載人既的士

手工分類:公仔
材料: 絨布, 棉花
用具: 針線, 白膠漿
製作時間: 熟手技工- 2 小時 / 初哥- 3 小時
主要針步:毛毯針步
難易度: @@ (以5@為最難)
小技巧: 縫合時要注意針距, 太疏會令棉花溢出
成本價 : $12

Remarks: 其他我覺得香港的士好靚, 暑假無無聊聊整左出黎

回想大學時

2007年4月21日 (星期四)

工作雖然唔太忙
但日日到無停手
真係好懷念以前o係大學既生活.....
出黎做野真係好辛苦
到依家仲未習慣自己已經畢左業差唔多一年
過多一個月，我已經唔係FreshGrad...
感慨...