愛併才會贏

最近心情麻麻地~
最大既原因係屋企既事
不過依家都OK , 叫做個問題舒緩左啦

人生真係苦, 為生活為社會奔波
自己當初既理想
就係比社會而沖洗左, 連影都唔見
有時唔係想咁快放棄, 而係身不由己
O係呢個商業社會入面, 人們覺得要有好多錢先叫成功
其實, 成功既定義個個人都唔同~
你既成功絕對唔等如我既成功
又何必正攞出黎討論呢

我覺得自從畢左業之後
已經無左以前果種堅持及毅力
點解當初一邊考大學一邊仲有時間可以幫人補習都覺得開心
反而依家面對前路無呢個勇氣向前衝呢
見住他人不斷咁努力
而我, 卻為了迷糊既前路而停留O係十字路口上面

有誰?
可以引領我去正確既方向
撥開雲霧
令有再有勇氣去衝出這個關口呢?

衝擊

新鮮感, 永遠是最吸引, 最想去試, 最令人心動的

是我沒有勇氣接受新事物

是我不捨得舊的回憶

我應該要學懂拒絕

我應該要學懂專注

我要和自己說

你是最好的.....

又到犯太歲的老鼠年

12年前的老鼠年, 由年頭病到年尾
12年後的老鼠年, 病住仲要周身傷
甚麼是身體健康? 最好唔好問我
我依家個個星期都要食藥
食藥仲多過食飯..
唉~儲埋儲埋都私己錢去哂邊?
咪比哂醫生囉..-__-
布無人以安慰下我?

尋根~

2008年3月1日 (星期六) 晴

今日好難得是我的雙休日

因為補返上星期六去展覽會OT 的時間

於是

早於一星期, 我和老公E 已經計劃緊去邊

想返大學行一下, 但係車錢及時間的成本都相當高

突然想起, 可以去他長大的地方, 麗晶花園參觀一下

我由出世到中六, 17年來都在屯門長大

當然不知道市區的小朋友生活如何

我一直渴望他可以帶我去四周遊歷

今次是一個很好的旅程...

每個星期六的中午時間, 我們都會有一個指定節目

就是訓晏覺.....

起身都已經6點幾

我地於是7點左右坐車去麗晶花園

麗晶花園早前都略有所聞,

這個是他成長17年的地方

每行一個地方, 他都好著躍告訴的以前發生的每一件小事

由舊居, 小學校車泊車點, 酒家, 文具屋, 茶餐廳, 診所....

每一個地點都有一個小故事

好似一幕幕的浮現的腦海之中

晚餐時他說: "咁樣行D 屋村仔好無聊呀呵?!"

我心淵了一下說: "我覺得好開心你帶我行..."

我眼紅紅的想, 他帶我認識他長大的地方, 與我一起分享, 我真的很感動, 我看得出是發自內心, 為什麼你會覺得我會話你無聊呢~~我會多謝你, 多謝你主動給我多點認識和了解你

我覺得這樣的旅程

比起平時行街睇戲食飯更有意義

因為, 他願意一起與我分享他開心的回憶, 感覺好溫馨

由4年前大家互不相識到現在,

我覺得大家都變了很多

以前漠不關心的他, 有時真令我心傷

幸好, 我們仍未因而分開, 反而從中更了解

我們會為白頭到老繼續努力!!!