魔盜王3~~一般

2007年5月27日 (星期日) 大雨

今日一早去飲早茶
接住去朗豪坊睇早場魔盜王3, 因為平差唔多一半
一睇就3個鐘...見到周潤發用廣東話唸詩
感覺怪怪地, 成套戲本人覺得一般姐,
比第1, 2 集悶, 除左周潤發之外,無咩特別

之後去左睇書, 其實我未睇完
但係e朋友都無心情睇, 唯有放棄唔睇住啦
去左pacific coffee 飲左我好耐無飲既mocha , 好正,
不過對現在慳家既我就覺得好貴...>.<
今日好唔知醜叫e朋友送左一本半價書
內容係我鐘意既文化書關於6種日常飲料:
啤酒, 茶, 咖啡, 汽水, 紅酒, 烈酒 既歷史,文化及影響
我唔出聲唔知會唔會有人送呢?

晚上去左pizza hut 食新出既扭扭芝士批, (其實我想食麵多d)
好鹹, 一個字"嘔", 飽到想嘔,
因為單一個批只有大批無普通批, $177
叫set 包2杯飲品, 一個大批, 2個餐湯及甜品5 小粒cream puff, $179
梗係比多2蚊啦要set 啦
我問個waiter 哥哥仔有無普通批,
佢話"唔好意思, 無架, 不過好多人食唔哂可以幫你打包個批返屋企",
值得一讚係佢既服務態度,
不過我見好多人食唔哂都要打包, 好似真係好大問題
我地好大食, 每人食左3件, 打包2件,飽到嘔咁

唉, 原來睇早場係支持唔到之後行街既
以後睇完早場都係返屋企算啦...
原來條村仔比任何野睇得更重要,
人在心不在也...

熱血的一晚~GO~!!

2007年5月19日 (星期六) 雷暴

尋晚訓唔著, 因為今日睇CONCERT
佢地係日本黎既歌手
專門唱日本動漫歌既, 而且係熱血派果D
快歌ROCK SONG,
無線之前播既機械人卡通,好多都係佢地唱架
原先同大羅去既, 不過去左印度
唯有代佢嗌啦

我同個知音朋友施姑一齊去
成晚係咁嗌 (因為好興奮)
一邊唱一邊''出拳''(即係揮手咁樣), 睇到個人都出哂汗
尤其係見到遠滕正明果時
我地嗌破喉嚨添呀, 仲有影山江里香.(呢..唱龍珠主題曲果個呀)
>口< 救命..好正呀..我唔會忘呢兩個半鐘架....
我地坐好前, 第七行,
遠滕好型好大隻呀,佢仲同我地揮手, 超開心..

我地無咩抽獎命, 3次抽獎都唔中, 失敗
雖然大羅無得睇, 不過我買返件TEE 比佢同錄左少少片佢睇返
好過咩都無啦...

P.S. 我地見到逢星期日O係國際台做''日語放送區''既日本女節目主持人...仲同佢影左張相, 原來佢講廣東話好叻架..

平安到埗

2007年5月15日 (星期二) 晴

尋晚哥哥去左印度
今朝佢打左返黎報平安
佢o係印度果邊話好熱
去酒店餐廳唔識叫野食, 因為全部都係印度文
好悶, 好掛住屋企咁話喎~

佢有件趣事好得意,
佢每日返工都有私家車接送返印度分公司
佢好攰訓著左, 個司機拍醒佢叫佢影相
原來個司機叫佢拍低隔離隻交通公具--大象
佢見到有人騎住隻大象o係佢架車旁邊等紅錄燈
哈哈, 都幾得意丫~

今日已經你游水班既第6 堂
我已經可以唔拎浮板游到2m遠, 哈哈
係咁少架嗱, 慢慢黎啦,
好似話下一堂學蛙式,
咁快?????
自由式我都未識哂, 咁快就學蛙式???>口<

印度咖哩好好味?

2007年5月14日 (星期一) 晴

今日o係公司無咩野做
因為未d 工作未殺到黎
同事未夠鐘已經走左
我就一聽收音機報時"6點正''我就熄電腦落閘放狗lu

趕返屋企睇下大哥哥仲有無野執
一開個喼, 好似飢荒咁, 人地唔知以為佢去印度接濟飢民
因為有好多乾糧, 杯麵, 餅乾, 麵包, 連水都有幾支
佢腸胃唔好, 怕d 野唔岩食囉
佢坐零晨機, 去到印度果邊就半夜
我地同佢坐7 折的士去機場, 一共$177 , 連兩件行李,
半個鐘就去到嗱, 幾快~~~

我地o你大家樂食個燒味飯, 行左陣佢就check in 入閘
好明顯媽媽好擔心佢, 因為佢好耐都無出過門
仲要一個人去一個言語不通既國家
哈哈~大羅, 你一路順風嗱, 記住影多d 靚相返黎嗱~~~

~HAPPY SATURDAY~YEAH~YEAH

2007年5月12日 (星期六) 晴

又到左星期六嗱
又係放假既日子
今日下午無野做, 原先諗住同佢去對面海行
點知佢唔得閒, 算啦
反正自己一個去玩都得既

哥哥星期一要出門
我有D 擔心佢,
所以放左工去左黃大仙求左個平安符
今日唔知咩日子, 好多人求神
好曬, 好熱, 我仲著左黑色衫, 拜完一身都係灰
我執到個筍位, 於是順便求左3支簽
1支問哥哥平安, 1 支問媽媽健康, 1支問自己事業
用左20蚊去聽一D 順耳既說話,
用左23蚊買左D香寶碟同平安符
花少少錢買個心安理得都好既

我支簽係44簽--唐天寶評花, 簽文如下:
滿園香色X新粧 (Sorry, 電腦無呢個字)
意似爭妍奪國香
到底是誰居麗首
牡丹豔冠百花塲

字面上好似我要同人爭d 咩先有報酬
係咪即係我要力爭上游呢 , 唔洗旨意有不勞而獲呢..??
今日個相士贈左兩句比我
佢話我好頑強, 適應力好強喎, 曱甴咩=.=?

嘉寶, 馬同學生日快樂

2007 年5月11日 (星期五) 晴

今日早左一個鐘放工
因為要幫哥哥去交文件
之後約左SOCIAL 女子兵團去玩,
可惜其中一名團員去徵澳洲, 不過有個外緩何同學臨時加入

尋晚我地去左家樂對面既登打士廣場16樓CAFE
Pub 同Bar 就去得多, CAFE我反而未去過
感覺好好, 好浪漫, 食物都OK啦, 始終你業餘作
如果唔係要等兩位大忙人,
我地可以去第二度既..

原先好靜既
不過隔離台黎左成10個人,有男有女 我見佢地一坐低互相介紹
好似唔識大家咁, 可能係NET FRIEND 掛
佢地好嘈, 不過好好玩, 佢地自己玩遊戲輸左果個
就黎我地果台玩, 一時對住我地唱情歌, 一時送花
仲同馬同學同嘉寶唱生日歌,
雖然大家都唔識, 但係好好笑, 好好玩....
尋晚大家都好開心, 可惜我第二日要返工
如果唔係一定落蘭桂芳再玩過,YEAH~

原先打算下次打機有地方HEA
同佢講, 仲比佢笑我大鄉里咁
原來佢一早去過
但係又唔帶我去,
就算佢同我去, 我都唔去

終於都游到嗱~~

2007年5月10日 (星期四) 晴

最近返工成日做錯野
唔係開錯支票, 就係睇錯單
個人好似遊雲咁, 唔知舊雲幾時先走
阻住哂>口<

今日已經上左游水班第五堂
學左右手游自由式
教練話自由式最難學呼吸'
如果呼吸到, 就好易買架嗱
果然, 放鬆左游好好多
雖然唔係頂得好耐, 但已經好過之前一d 都唔識
哈哈~~

最近屋企好多事發生
表姐終於都出院嗱, 康復情況良好
哥哥要出差, 不過係去印度, 仲要零晨機一個人去
我都替佢擔心
咁大個仔都未試過一個出門
咩都唔知, 公司又未定行程, 連住邊都唔知
唉.....希望佢平平安安啦,
佢公司整完一單又一單, 好擔心呀=.=

攰~攰~攰~

2007年5月9日 (星期三) 悶熱

星期一岩岩開完會
原先手頭上既工作做好
又多返一倍忙個不停
好攰...食左藥好眼訓..返到屋企未有飯食
訓左一陣, 好舒服...如果日日都可以唔使校鬧鐘
訓夠自己先訓
咁就好嗱, 可能多野做, 話咁快聽日又星期四嗱
快d快d到星期六就好嗱~

好攰但好玩

2007年 5 月 3日 (星期四) 熱

今日工作量都算ok, 但係今日要搵d人就個個潛哂水
搞到今日好似無咩野做過咁

經過一星期既疏懶
加上過去果幾日, 又食pizza hut, 又食韓國菜, 又食泰國菜
今朝一上磅, 得出一個驚人既數字叫我要節衣縮食
雖然比上星期只係重左兩磅, 但已經令我唔敢再亂食野
好驚食左減唔返, 因為最近晚上既booking 好多
想跑步都唔得...唯有努力d 游水, 忍下口食少d 啦, 慳返d $

今日好少去上堂游水
可能過左一個星期, 其他"同學" 唔記得要上
結果今日只有8個人上堂,
仲好啦, 小班教學, 教練可以逐個指點
今日教單手自由式,
即係一隻手攞浮板, 另一隻手做自由式動作
好開心呀, 我可以做到,
雖然游左三四下就無力, 但係都好過以前好多lu
教練好好笑, 好在遇到好老師

落堂之後, 我自己去左1.37個池到練習
池深左, 浮力都大左, 不過可能游得耐, 好攰
不過上水果下感覺成個人輕哂 (我都知係錯覺-.-ll)
出盡力游, 希望可以快d 游走哂d 脂肪
去返我110磅既終極目標啦....加油!!

不幸之中之大幸

2007年5月2日 (星期三) 熱

今日空氣好差, 加上我返觀塘區
行步路都好辛苦, 好似喘氣又難呼吸咁
一早返到去, 突然間好多野做
無啦啦個死大余打黎吹命咁
搞到我無啦啦下午又要出去外勤, 去死吧~~~

雖然放工早左少少
不過都係要返觀塘, 去探我表姐
早兩日表姐同佢老公車禍入院
雖然好在兩個都無事
不過我表姐有排休養, 祝佢早日康復啦...
意外d 野話唔埋架, 都係買返份保險安全d

~名正言順既勞動節~

2007年5月1日 (星期二) 落雨落唔出既天氣

今日一早去左尖沙咀半島酒店附近等車入博覽館
今日係個展最後一日
正常黎講會少d人,
不過, 今日例外, 係極之少人....
仲要唔知點解有o係個館到有烏蠅, 嬲住我個包
加上個booth無人問津,成朝嚮樹拍烏蠅...
比個理事見到, 批我早d 走
結果, 1點幾就執埋d display 返協會

咁岩e朋友落街食lunch, 我地去左吉野家食下午茶餐
有個新出既烏冬, 雖然硬左d, 不過都好味, $16
之後去左睇電話,有個大陸牌子既手提
好似好好咁, 不過大陸牌子始終有d 唔放心
想睇spider man, 場場都full 哂, 無野做, 所以去左我屋企打moster hunter2
打打下我部機無電...>.<

晚上去左食日本菜, $60大大份, 名叫"鹿兒島" o係深水步
係一間中低檔既日本菜, 不過價錢平又好味既
成日以為今日星期日, 仲有三日半先再有假放嗱>o<..