令人腰痛的考試@

2007年11月25日 (星期曰) 涼

今個星期日係最近覺得最輕鬆我星期日
因為尋日剛剛考完Papaer1 , 3 , 5
感覺好輕鬆
因為抱住一個唔合格既心態去考
其實我覺得其他人對我期望好高
不知不覺比左自己好壓力
我覺得如果唔一take pass
自己會好"魚" , (只係自己覺得, 並不是個個人都係咁諗)
唔知呀...有心人問我新工開心嗎?
無奈我只會回答一句, 現在是觀察期而已
因為一出黎工作我就唔開心....所以,..無論係咩工
只要唔使返工我覺得都開心
可能咁樣會好負面....無工返無收入淨支出
有工返有收入又唔知自己想點
唉......我又何嘗不是只有空談的人呢..

開唔開心都係咁過

2007年11月15日 星期四 晴

經過一連幾日既training
終於開始明白一年幾前買果份保單內容係d 咩
我想問大家一個問題
究竟一個人成功與否有咩衝量呢?
我只係知我阿媽係用我比佢既家用黎計算...
心淡

新工作, 新環境, 新衣服, 新...新...新....

2007年11月4日 星期日 晴+清涼

尋晚去左睇EASON 演唱會
300蚊既票比之前睇得清楚D
睇到EASON肥肥地扭扭下PATPAT 跳舞都幾得意既...
可能自己精神唔好, 未能投入CONCERT, 所以覺得一般好睇

講開新工, 勢估唔到自己會去左保險公司做
對於一個數口非常"精明"既我, 完全係去左另一個世界咁
新老闆對我都唔錯, 佢唔介意我咩都唔識
都肯教我點樣同D 客對話
同一時間, 佢都唔想我得罪佢D 客既

返工第一日, 個BOSS 叫我考試
雖然唔使SELL 客
但都會接觸到唔少基金同保險既知識
比左個機會我去TRAINING 同考牌
對我黎講, 有D意外, 因為INTERVIEW 無提過既
反正出面TRAINING 費都唔平, 佢又免費比我去TRAIN
可能呢個係上天安排比我既一條路
一無所長既我, 亦不妨一試

其實係咪自己想做既行業??
老實講......唔係
不過現今呢個社會, 有幾多個真係做到愛果行做果行呢...
既然自己要專業, 又要搵到錢
上天比左呢個機會我去嚐試

人大了, 才發現以前細個生活係咁簡單
依家發覺自己不知不覺有唔少煩惱
當自己困於兩難之中,
真係魚與熊掌, 揀唔落手
往往做既野都唔係心中想做既野
清醒D 啦........